ក្រុមហ៊ុនស៊ី ភី(CP)បានយកថ្នាំបង្ការមេរោគរាលដាលជម្ងឺប៉េស៏្តជ្រូកជូនលោកព្រំវិចប្រធានបសុពេទ្យ

2019-07-22

---

ខេត្តសៀមរាប ឥទ្ធិពលកម្ពុជា នៅព្រឹកថ្ងៃទី២២ ខែកក្កដា ឆ្នាំ២០១៩ក្រុមហ៊ុនស៊ី ភី(CP )សាខាខេត្តសៀមរាប មានទីតាំងនៅភូមិចុងកៅស៊ូ សង្កាត់ស្លរក្រាម ក្រុងសៀមរាប បានយកថ្នាំបង្ការរាលដាលជម្ងឺឆ្លងប៉េស៏្ដជ្រូកយកមកជូនលោកព្រំវិចប្រធានការិយាល័យបសុពេទ្យខេត្តសៀមរាប ក្នុងនោះប្រភេទថ្នាំទឹកមានប្រមាណបីកេះធំៗស្នើ៥៦លីតក្នុងមួយដបមានទឹកថ្នាំមួយលីត និងធុងម៉ាស៊ីនចំនួនបួនសម្រាប់បាញ់ថ្នាំផងដែរ។

         ក្រុមហ៊ុនមួយនេះជាកិច្ចសហករណ៏ដៃគូក្នុងការអភិវឌ្ឍន៏ធ្លាប់បានសហករណ៏ជាមួយ មន្ទីរកសិកម្មរុក្ខាប្រមាញ់និងនេសាទជាញឹកញាប់។ការឧបត្ថម្ភថ្នាំសម្រាប់បង្ការទប់ស្កាត់ឆ្លងរាលដាលជម្ងឺប៉េស្ត៏ជ្រូកអាហ្វីកនេះមានសារៈប្រយោជន៏ក្នុងការបាញ់ទៅលើរថយន្តដឹកជញ្ជូនសត្វ រោងកសិដ្ឋាន ទីតាំងចិញ្ចឹមសត្វ។ល។

         លោកព្រំវិចប្រធានបសុសត្វបាននិយាយថា មន្ទីរកសិកម្មខេត្តធ្វើការស្នើសុំជាចំណែកមួយក្នុងនាមកិច្ចសហប្រតិបត្តិពីក្រុមហ៊ុននេះ។ដោយឡែកក្រសួងកសិកម្មមានការខ្នះខ្នែងយកចិត្តទុកដាក់ផ្ដល់ជូននូវថ្នាំតាមរយៈឯកឧត្តម តាំង វណ្ណរ៉ាប្រតិភូ រាជរដ្ឋាភិបាលកម្ពុជាទទួលបន្ទុកអគ្គនាយកនៃអគ្គៈនាយកដ្ឋានសុខភាពសត្វនិងផលិតកម្មសត្វតែងតែផ្ដល់ឲ្យតាមរយៈឆមាសទីមួយ ឆមាសទីពីរ រួចរាល់ឆមាសអស់ហើយ៕

ព័ត៌មានស្រាវជ្រាវតាមដានសង្គម

---

---

---

---

---

---

---

---

---

---

---

---

---

---

---

---

---