ភាពមិនប្រក្រតីចេញពីស្រុកបវេលថាបានលក់ដីចំណីផ្លូវឲ្យទៅពលរដ្ឋ

2020-08-09

---

ខេត្តបាត់ដំបង ឥទ្ធិពលកម្ពុជា បន្ទាប់ពីការចេញផ្សាយព័ត៌មានមួយមានចំណងជើងថា ដីសាលាស្រុកបវេលត្រូវបានលក់ជាបំណែកៗថាមានគោលការពីថ្នាក់លើ ចំណងជើងនៃអត្ថបទនេះត្រូវបានរដ្ឋបាលស្រុកបានចេញសេចក្ដីបដិសេធ ចំណែកលោក ងួន រតន អភិបាលខេត្តបាត់ដំបង ថាលោកមិនដឹងរឿងនោះទេ។

          ពេលថ្មីៗនេះបានបែកធ្លាយពីរឿងលក់ដីរដ្ឋនៅចំណុចខាងជើងរោងម៉ាស៊ីនតាម៉ាន់ ភូមិសាំរាំង ឃុំបវេល ស្រុកបវេល ខេត្តបាត់ដំបង ដីនោះនៅជាប់ផ្លូវជាតិលេខ៥៧ ខាងជើងផ្លូវជាដីចំណីផ្លូវផង ជាដីចំណីមាត់អូរផង បានលក់ទៅឲ្យពលរដ្ឋមានប្រមាណប្រាំបីគ្រួសារក្នុងទឹកប្រាក់ពីររយហាសិបដុល្លារ(២៥០$) ពលរដ្ឋទាំងនោះថា ភូមិបាលស្រុកបវេលជាអ្នកទទួលប្រាក់។

          លោក អុន ភូមិបាលស្រុកបវេល មិនបានបញ្ជាក់ហេតុផលណាឲ្យបានច្បាស់លាស់ពីរឿងនេះទេ លោកគ្រាន់តែថាយ៉ាងខ្លី«គេធ្វើប័ណ្ណចុះបញ្ជីជាប្រព័ន្ធតាមក្រសួងវាស់វែងរួចរាល់អស់ហើ្យ ចំណែកផ្ទះកំពុងសាងសង់នៅទីនោះរដ្ឋបាលស្រុកចេញសេចក្ដីជូនដំណឹងឲ្យម្ចាស់ផ្ទះផ្អាកហើ្យព្រោះដីរដ្ឋ»។

          បណ្ដាញព័ត៌មានប្រចាំស្រុកបានធ្វើការទំនាក់ទំនងទៅលោកមេឃុំបវេល នៅថ្ងៃអាទិត្យ ទី៩ ខែសីហា ឆ្នាំ២០២០ លោកមេឃុំបវេលឆ្លើយថាជាប់រវល់ប្រជុំ ហើ្យបិទទូរស័ព្ទ។

          ទោះយ៉ាងណា!!ភាពមិនប្រក្រតីនេះត្រូវបានផ្សាយជាដំណឹងជូនព័ត៌មានជាសកលជ្រាប។!!នៅមាន(ត)

ព័ត៌មានស្រាវជ្រាវតាមដានសង្គម

---

---

---

---

---

---

---

---

---

---

---

---

---

---

---

---

---