លោក ស៊ូ ចាន់ទ្រី អនុប្រធានមន្ទីរសេដ្ឋកិច្ចនិងហិរញ្ញវត្ថុខេត្តក្លិនស្អុយពីរឿងលុយ ៣៣ លានរៀល

2020-06-10

---

         ខេត្តកំពង់ធំ ឥទ្ធិពលកម្ពុជា បណ្ដាញសង្គមផ្សព្វផ្សាយនិយាយថា អ្នកស្រីចុង សៅនី និងអ្នកស្រី បេន យ៉ង់ រស់នៅភូមិរកា សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ តំណាងស្របច្បាប់របស់ប្រជាពលរដ្ឋទាំង ១២គ្រួសារ បានមករាយការណ៍ឲ្យអ្នកសារព័ត៌មានដឹងថា ប្រជាពលរដ្ឋទាំង១២គ្រួសារ ជាសាច់ញាតិរបស់ជនជាប់ចោទកំពុងជាប់ឃុំ ក្នុងពន្ធនាគារ២នាក់១.ឈ្មោះ ឆាំ ឆាន ភេទប្រុស អាយុ ៣៨ឆ្នាំ  ២.ឈ្មោះ ផន សុគា ភេទប្រុស អាយុ ៣៤ឆ្នាំ។ក្នុងបណ្ដាញផ្សព្វផ្សាយទាំងនោះមិនបានបណ្ដាញថាឈ្មោះនេះជាប់ពន្ធនាគាណាទេ។

       ពាក់ព័ន្ធករណី លោក ស៊ូ ចាន់ទ្រី អនុប្រធានមន្ទីរសេដ្ឋកិច្ច និងហិរញ្ញវត្ថុខេត្តកំពង់ធំស៊ីដាច់លុយ ៣៣លានរៀល ដោយលោក ស៊ូ ចាន់ទ្រី ធានារត់ការដោះជនជាប់ចោទឲ្យនៅក្រៅឃុំជាបណ្ដោះអាសន្នភ្លាមៗ តែមិនដូចការសន្យានោះទេ ពេលពលរដ្ឋសួរនាំដំណឹងម្តងៗលោកស៊ូ ចាន់ទ្រី តែងតែឆ្លើយដោះសារថា បើចង់រួចខ្លួនពីគុកត្រូវប្រគល់ដីស្រែដែលកំពុងអាស្រ័យផលនោះឱ្យគេទៅគេដោះលែងហើយ។

       ពួកគាត់បានបន្តរៀបរាប់អំពីមូលហេតុដែលធ្វើឲ្យពួកគាត់រងគ្រោះយ៉ាងអយុត្តិធម៌រហូតមកដល់សព្វថ្ងៃនេះថាកាលពីថ្ងៃទី ១៣ មេសា ឆ្នាំ២០២០ មានក្រុមប៉ូលិសជាច្រើននាក់ចុះទៅព័ទ្ធចាប់ខ្លួនពលរដ្ឋ២នាក់ ក្នុងចំណោមប្រជាពលរដ្ឋ ១២គ្រួសារ ដែលធ្លាប់អាស្រ័យផលលើដីស្រែប្រាំង ក្នុងចំណុចបឹងត្រសែង ភូមិរកា សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ។

       តាមពាក្យបណ្តឹងក្លែងឯកសាររបស់ឈ្មោះ ហេង ឃីន អនុប្រធានភូមិរកា លន់ គឿន ប្រធានសហគមន៍បឹងត្រសែង និងឈ្មោះ ខ្ចៅ សែន ជាមេឈ្មួញដីធ្លី ដោយចោទប្រកាន់ប្រជាពលរដ្ឋថា ប៉ុនប៉ងសម្លាប់ពួកគេ កំពុងប្រើគ្រឿងចក្រកាយប្រឡាយ ។ ពលរដ្ឋ ២នាក់ ត្រូវបានប៉ូលិសចាប់ខ្លួន កាលពីថ្ងៃទី ១៣ មេសា ឆ្នាំ ២០២០ថ្មីៗនេះរួមមាន ១.ឈ្មោះ ឆាំ ឆាន ភេទប្រុស អាយុ ៣៨ឆ្នាំ ។ ២.ឈ្មោះ ផន សុគា ភេទប្រុស អាយុ ៣៤ឆ្នាំ ត្រូវបានគេនាំយកទៅឃុំខ្លួនក្នុងចេតនារំលោភយកដីធ្លីពីប្រជាពលរដ្ឋទាំង ១២គ្រួសារ ដែលធ្លាប់អាស្រ័យផលស្រូវជាង ១០ឆ្នាំកន្លងមកហើយ ។

       បន្ទាប់ពីប៉ូលិសបានចាប់ខ្លួនប្រជាពលរដ្ឋ២នាក់ ដែលមានឈ្មោះខាងលើយកទៅដាក់ឃុំរួចមកឈ្មោះ ស៊ូ ចាន់ទ្រី បានប្រាប់ពួកគាត់ថា ឲ្យរកលុយឲ្យគាត់ដើម្បីធានាមនុស្សនៅក្រៅឃុំ ។ នៅថ្ងៃទី ១៨ មេសា ឆ្នាំ២០២០ ឈ្មោះស៊ូ ចាន់ទ្រី បានឲ្យនាងខ្ញុំឈ្មោះ បេន យ៉ង់ យកលុយចំនួន ៣៣លានរៀល ទៅប្រគល់ឲ្យគាត់ ដើម្បីយកទៅរត់ការ ធានាមនុស្សដែលមានឈ្មោះដូចខាងលើបាននៅក្រៅឃុំជាបណ្ដោះអាសន្ន ។

       ក្រោយពីទទួលបានលុយរួចហើយ គាត់បានសន្យាថា ដើមខែឧសភា មនុស្សទាំង ២នាក់ ដែលមានឈ្មោះដូចខាងលើនឹងនៅក្រៅឃុំហើយ ។ ប៉ុន្តែការសន្យារបស់គាត់មិនបានសម្រេចរហូតមកដល់ថ្ងៃនេះ ធ្វើឲ្យប្រជាពលរដ្ឋទាំង ១២ គ្រួសារកើតទុក្ខមិនសុខចិត្ត សុំឲ្យប្រព័ន្ធផ្សព្វផ្សាយជួយផ្សាយដំណឹងនេះ ដល់ថ្នាក់ដឹកនាំគ្រប់លំដាប់ថ្នាក់ ដើម្បីជួយផ្តល់យុត្តិធម៌ដល់ពួកខ្ញុំបាទ/នាងខ្ញុំ ផង ។

       សូមបញ្ជាក់ថាៈ មូលហេតុដែលនាំឲ្យប្រជាពលរដ្ឋឃាត់គ្រឿងចក្ររបស់ក្រុមឈ្មួញដីធ្លីកាលគ្រានោះ គឺដោយសារពួកក្រុមនេះនាំយកគ្រឿងចក្រទៅកាយប្រឡាយហ៊ុំព័ទ្ធយកដីស្រែរបស់ប្រជាពលរដ្ឋទាំង ១២គ្រួសារ ធ្លាប់បានអាស្រ័យផលជាង ១០ឆ្នាំមកហើយថា ជាកម្មសិទ្ធដីធ្លីរបស់ខ្លួនទៅវិញ ។ មិនតែប៉ុណ្ណោះ ក្រុមឈ្មួញទាំង ៣នាក់នេះ បានព្យាយាមប្រើល្បិចកិចកលក្លែងបន្លំឯកសារ ប្តឹងធ្វើទុក្ខបុកម្នេញដេញចាប់ប្រជាពលរដ្ឋដាក់ពន្ធនាគារដោយ     អយុត្តិធម៌ រំខានដល់ការអាស្រ័យផលរបស់ប្រជាពលរដ្ឋរកទីបញ្ចប់គ្មាន  ។

       ទាក់ទិននឹងការចោទប្រកាន់ខាងលើនេះ អ្នកសារព័ត៌មានបានព្យាយាមទំនាក់ទំនងទៅលោក ស៊ូ ចាន់ទ្រី អនុប្រធានមន្ទីរសេដ្ឋកិច្ចនិងហិរញ្ញវត្ថុខេត្តកំពង់ធំ នៅរសៀលថ្ងៃអង្គារ៏ទី ៩ខែមិថុនា ឆ្នាំ ២០២០ លោកថាចាំជួបគ្នា។!!!!(នៅមាន(ត)

ព័ត៌មានស្រាវជ្រាវតាមដានសង្គម

---

---

---

---

---

---

---

---

---

---

---

---

---

---

---

---

---